ZIKA VIRUS
Alex Lalagent Thanga
Tunlai khawvel dengchhuaktu leh mipui te titi tam ber
Zika hi tlemin I lo zirchiang dawn teh ang. Khawmual pui thenkhatah a awm tih
thu mai a kan lo hriat thin chu Asia khawmual a rawn thleng ve ta a, kan awmna
ram thenawm Singapore-ah pawh mi enge maw zat an thi tih kan hre theuh tawh awm
e. Tukin zing khan kan officer (Associate Program, Health Unit, UNHCR) hnen
atang inveng tura duhsakna email ka dawng hlauh mai a, chu chu kan duty fona
hmun Hospital Sungai Buloh, Malaysia-ah pawh dam lo zing atang ZIKA VIRUS
hmuchhuakin UNHCR an lo hrilh thu a ni a, chu chuan ngaihtuahna a khalhkal thui
hle mai. Malaysia-ah hian mi eng zat takin he natna hi nei tawh ang maw? Aw le,
kan sawi tum ber chu ZIKA chanchin tawi a ni a, a lo chhuahna bull eh tu
hmuhchhuah nge tih lam ai mahin eng tin nge
kan invent ang tih sawi kan tum dawn a ni.
#ZIKA
chu enge ni?
ZIKAchu virus a ni a, Aedes thosi chi
khat atanga inkaichhawn theih a ni. Aedes thosi hi Dengue natna paitu thosi
bawk kha a ni.
#AEDES
thosi: A keah a dum leh a varin a intial a, chhunah leh tlai
lam thim thet thetah mi an seh tlangpui. Ni 6-7 an dama, a nu (female) te hi
vawi khat an tui (egg) in za thum (300) chuang an tui thei.
#Eng
ti’angin nge ZIKA natna chu a inkaichhawn?
(1) Aedes thosi atangin-
mi tam zawk kaina chu Aedes atangin a ni.
(2) Hmeichhiat mipatna
(sex) atangin
(3) Nu (rai puar) atangin
a faah
(4) Thisen inpek atangin
or hriau inhman tawmna atangin…
#A
natna lo lanchhuah dan:
(1) Khawsik deuh er er
(fever),
(2) Taksa sen (bawl)
chhuak (rash),
(3) Ruhchang na (joint
pain),
(4) Mit sen deuh tham
tham (red eyes)
(5) Taksa/ timur na
(muscle pain)
(6) Lu na (headache)
(7) NB: Mi thenkhat erawh
chu damdawiin pan ngai lo tawka nate pawh an awm a, chu ti’ang chuan ni thum
atanga kar khat vel a awm thin. A chunga tarlan ang hian I lo awm anih chuan a
rang lamin clinic/ hospital pan vat ang che.
#Eng
vang nge ZIKA natna a hlauhawm?
A bik takin nu (nau pai)
tan a hlauhawm em em a, a naupai chu a lu lamah nasa takin a tikhawlo thei a
ni. Nau mit, beng, hriatna thazam leh thluak nasa takin a tipiang sual thei. Thihpui erawh a vang hle.
#Eng
tin nge kan invent ang?
ZIKA natna laka invenna (vaccine) an
la hmuchhuak lova, invenna atana tha ber chu Aedes thosi laka inven a ni.
(1) Kawrban tlawn leh
kekawr tlawn hak fo a tha,
(2) Aircon leh tukverh
awmna hnuaia awm a tha,
(3) Aircon hnuaia kan mu
lo anih chuan thosilen hnuaia mut a tha,
(4) ZIKA natna neite nen
invenna tel lo sex hman loh tur,
(5) ZIKA natna neite hnen
atanga thisen dawn (receive) loh tur.
#Eng
tin nge ZIKA natna nei te kan inenkawl ang?
Dengue ang bawkin Zika natna that
theitu damdawi hmuhchhuah a la ni lova, inenkawl dan erawh a awm:
(1) Chawlh hahdam,
(2) Tui tam taka in,
(3) Khawsik sang lutuk
ven nan nachhawkna (pain relief/ acetaminophen) ei a tha,
(4) Nachhawkna chi khat
(aspirin) erawh ei loh tur,
(5) Damdawi dang ei lai
mek I nei anih chuan pain relief I ei hmain doctor rawn hmasa ang che.
#Chhiartu zawng zawng te Lalpan ZIKA natna
lak ata venghim che u rawh se.
