#Spiritual_Maturity (4):

#Spiritual_Maturity (4):

□ Keini zawng van khua leh tui kan ni si a, ... (Philipi 3:20) 

□ Roman empire hun lai khan Roman citizen-te chu miten an zah em em mai a, citizen nih pawh a awl lo viau awm e. Hnam dangte tan phei chuan mi sang khatah mi pahnih khat bak an ni ngai lo, chung mite pawh chu mi hausa leh mi thil ti thei, mi thiam filawr te chauh an ni. Roman citizen hovin thil an tih sual pawhin vawi 40 vuak a thiang ve lo. Roman citizen nihna nei tirhkoh Paula pawh khan Krista avangin Juda-te lakah vawi 40 tling lo, vawi 5 vuak lai a lo tuar ve tih 2 Kor. 11:24-ah kan hmu.

□ He khawvela Rom khua leh tui (Roman citizen) nih mah chu ti khawpa an zahawm leh an hamthat chuan kuta sak loh IN mawia awm turin van khua leh tui nih chu a van hlu dawn tak em! He khawvel hi a fair lova, mi sualte hamthatna leh vanneihna a ni, kan tih mek laiin Lalpa ringtute aia dinhmun tha leh hlu hi an awm chuang lo. Khawvel tehnaah chuan hnam tenau leh hnam mawl ni mah ila; Lal Isua mi, Thlarauva hrin, van khua leh tui kan nih tlat chuan hnam changkang tak aiin kan chungnungin kan zahawm zawk! A Fapa Isua Krista kaltlanga van khua leh tuia min siamtu Lalpa ropui rawh se. 

#Your_fellow_in_Christ
AlexGena Cherput Tuingo

#Spiritual_Maturity (3):

#Spiritual_Maturity (3):

□Tin, sawm leh pahnihte chuan zirtir mipuite chu an kova, "Pathian thu hril bansanin, dawhkanahte rawng kan bawl chuan a tha lo vang. (Tirhkohte 6:2)

□ Pastor nih hi vohbiknihna leh chawimawina sang tak a ni a, amaherawhchu mi nazawng thawh theih loh a ni a,hna harsa ber a ni. 

□ Kohhran activity zawng zawng hi a pawimawh veka, nimahsela pastor te hna chu thlaraulam rawngbawlna a ni tih kan hriat reng a tha. Social activity emaw cultural activity emaw a pastor te tel ve zel tura kan phut anih chuan an phur a rit lutuk ang. Pastor te hian chhungkua entawn tlak din turin an chhungkua tan hun an pek a ngai a; chawlhkar tin sermon thar nei tur chuan study hun an neih a ngai a; chu mi piahah bialfan a lo ngai a, counselling neih ngai member-te zingah an awm reng thei bawk. Pathian leh an chhungkua tan hun pe thei turin pastor te hun neih hi kan hriatthiam a va pawimawh tak em! Administration lama kan phutsan viau chuan spiritual leadership lamah an hlawhchham palh ang e!

#Your_fellow_in_Christ
AlexGena Cherput Tuingo

#Spiritual_Maturity (2)

#Spiritual_Maturity (2):

□Tin ani (Isua) chuan an hnenah, hei hi tu lem8 leh tu hming nge ni?, a ti a... Kaisara thilte chu Kaisara hnenah pe ula, Pathian thilte chu Pathian hnenah pe rawh u, a ti a.(Mat. 22:20-21)

□Isuan chhiah (tax) chungchang a sawinaah hian pawisa a sawi tumna a ni lova, pawisaa chuang lem leh hming zawk kha a sawi tum chu a ni. Mizo Bible-ah LEM tiin a daha English-ah chuan IMAGE tiina dah ve thung. Chu mi awmzia chu HLIMTHLA emaw ANPUI emaw tihna a ni awm e. Genesis 1:26-27-a Pathianin mihring a siam khan AMA ANPUI (image and likeness) ngeiin a siam a, chu mi avang chuan a anpui leh a duh ang taka siam kan ni.

□Nangmahah khan Pathian anna (image) a awma, chu chu a siamtu leh a neitu hnenah pe turin Lalpa'n a duh a ni. 

□Khawvelah Pathian thilsiam loh pakhatmah a awm lova, a thilsiam zawng zawng te chu ama ta an lo ni. Pathian thilte chu Pathian hnenah pe rawh u. 

#Your_fellow_in_Christ,
AlexGena Cherput Tuingo